Egun on eta mila esker gaurkoan, urtero lez gurekin egun berezi hau konpartitzera hurbildu zareten guztioi. Gaurkoan, Santi eta Josu oroitzeaz gain, Estatuaren indarkeria bidegabea sufritu duten horiei ere eskaini nahi diet gaurko eguna. Hainbestetan ixilduak, gutxietsiak eta justifikatuak izan diren gure minei ere errespetu eta aitortza osoa zor zaielako. Jaso ezazue besarkadarik sentituena eta zin dagizuet jarraituko dugula gure senideen memoria lehen lerrora ekartzen, merezi dutelako! [...]

2017-11-02 17:04:30[...]

Pasa den apirilean, Bakearen Artisauek, argi erakutsi zuten haien lanaren bidez betikotutako gatazkak konponbidean jartzeko korapiloak askatzea posible dela, armagabetzea nazioarteko estandareen arabera bururaino eramanaz.  Orain, ekimen berri batean parte hartzeko deialdia luzatu diote Euskal Herriko jendarte zabalari, euskal presoen auzia behin-betiko konponbidean jartzeko eta salbuespenezko legedia ororekin behin-betiko amaitzeko. Egiari Zor Fundazioaren izenean ere, mobilizazio horretan parte hartzeko deia luzatzen dizuegu.

Abenduaren 9ko manifestaldiak Frantziar Estatuko espetxe-politika aldarazi dezake. Baina horretarako, gizarte osoaren bultzada eta babesa beharrezkoak dira. Euskal presorik gabeko behin betiko bakerantz urrats erabakigarria emateko garaia da. Orain, presoak!

Egiari Zor Fundazioa