Memoriaren egun inklusibo baten alde
Datorren ostiralean, azaroak 10, Euskal Autonomia Erkidegoko memoriaren eguna izango da. Egiari Zor Fundazioak Eusko Jaurlaritzaren Memoria, Bizikidetza eta Giza Eskubideen Institutua den Gogorak deitutako ekitaldian parte hartuko du, euskal gatazkaren testuinguruan Estatuaren biolentziaren ondorioak pairatu behar izan dituzten guzti horien aitortza eta erreparazioaren alde lan egiteko dugun konpromisoari eutsiaz.Hala ere, beharrezkoa deritzogu zenbait zehaztapen egiteari. Gure ikuspuntutik, memoriaren eguna ezin izan daiteke bizitza galdu zuten horiei urtean behin gorazarre egiteko data bat soilik. Perspektiba zabalagoa eta inklusiboagoa aldarrikatu beharrean gaude. Gure xumetasunetik diogu, memoriak gure herriak bizi izandako gatazka politikoaren baitan gertatutako oro ezagutzeari erreferentzia egin beharko liokeela, hori, herritargo zabalaren konpromisoa oinarri, bizitako tragedia errepikatuko ez dela bermatzeko blindaje bilakatu dadin. Hori dela eta diogu azaroaren 10a edukiz janzten jarraitzea beharrezkoa dela.
Gehiago irakurri
Urriaren 31an, Bilboko Plaza Berrian, Parisko manifestaldiari atxikimendua emateko ekimena
Foro Sozial Iraunkorraren sustapenpean, Euskal Herriko sektore sozial zabaletako ordezkariok, urriaren 31an, Bilboko Plaza Berrian, Parisko abenduaren 9ko manifestazioari babesa emango diogu. DENAK PARISERAT!
Gehiago irakurri
Epaitegi Konstituzionalak 1978 eta 1999 urteen estatuaren biolentzia pairatu zuten biktimei aitortza eta erreparazioa emateko legea de facto baliogabetu du
Legearen helburua errekonozimendua eta erreparazioa izanda ere, Estatuak, berriro ere, argi adierazi du bere errelatoa zalantzan jarriko duen ekimenik ez duela onartuko. Egiari Zor Fundazioak giza eskubide urraketa bat bera ere aitortu gabe ez geratzeko lanari eutsiko dio.
Gehiago irakurri
"Atera daigun egia gerizpetik argira" mahai-inguruko testigantzak
Egiari Zor Fundazioak, Igorreko Udalarekin elkarlanean, 2017ko irailaren 22an mahai-ingurua antolatu zuen Igorreko Kultur Etxean, 1997an Bilbon hil zituzten Gaizka Gaztelumendi eta Jose Migel Bustinzaren heriotzen inguruan jarduteko. Fundazioak bertsio ofizialen kutxa iluna zabaltzeko lan egiten du.
Gehiago irakurri
“Nik sinisten dizut. Emakumeen egia aitortu” ekimena urriaren 8an Bilbon
Egiari Zor parte den Foro Sozial Iraunkorraren baitan “Gatazkaren ondorioak emakumeengan eta hauen ekarpena bake prozesuari” izeneko lan-talde berria martxan da jada. Lehen ekimena datorren urriaren 8an, 12.00etan, Bilboko OAL Bilbao Musikan (Solokoetxeko lorategia) antolatu da, “Nik sinisten dizut. Emakumeen egia aitortu” izenpean. Egiari Zor Fundazioak bere atxikimendu osoa adierazi dio.
Gehiago irakurri
